偵探手記:老闆調查員工係咪係上班時間秘撈,結果出人意表……

敝社經常會收到勞資關係方面嘅委託,例如打工仔入職前會調查公司背景、被拖糧要搜尋夾帶私逃嘅老闆;而老闆則會調查打工仔有冇洩露商業機密、扮整親手呃病假甚至放假走去秘撈,或者離職後唔遵守合約走去做同上一份工相關嘅工作等。近日嘅社會議題或會令大家放鬆不下,所以想分享一單有關打工仔嘅搞笑案中案。

2020年薪酬調查報告互動網站等緊你click入嚟﹗即check自己份工嘅人工中位數﹗

話說今次嘅客人係一間糕點工場嘅老闆,佢公司有幾位司機大佬,負責每日將糕點送到全港九不同嘅店舖同餐廰。其中有一位人稱安哥嘅司機,做嘢非常勤力,其他司機出發前仲係度慢吞吞、吹水打牙骹嘅時候,安哥已經熟練而又迅速咁將貨裝好、搬上車,當其他人搵佢傾啲無聊嘢,例如:「上次同你講嗰間茶仔,你試咗未啊?」安哥都只係會有禮貌咁「嗯」咗一聲,然後出去送貨。

安哥每日都係最早出發、最遲返嚟嘅一個,即使要OT遲收工,都完全冇怨言又唔呻攰,所以老闆好開心請咗一位咁盡責嘅員工,仲對他讚賞有加。不過日子耐咗,老闆開始發現有啲奇怪,點解明明安哥嘅送貨路線唔係特別遠,但油費同隧道費會比其他同事高呢?懷疑之下,就委託我哋調查一下。

我哋偵探同事攞咗安哥嘅資料,認住佢嘅面相特徵,同老闆夾好咗時間,就喺某一日朝早開始跟蹤住佢送貨;雖然因為疫情關係,個個都要戴口罩,但仍可以憑著安哥嘅衣著輕鬆地跟隨佢。跟蹤期間,我哋發現安哥好快將公司交託嘅貨全部送完之後,就去咗其他地點接收咗一啲不知名嘅貨物,再送去其他地方。好明顯,安哥偷偷哋用咗架公司車,進行自己嘅私幫物流工作,而額外油費同隧道費就出公數。老闆一路聽一路默默地點頭,似乎一早心裡有數。

▪ 偵探手記:懷疑另一半出軌,你有勇氣知道事實嗎?



▪ 偵探手記:網上情緣騙案之自力求生篇

做咗大半日,安哥似乎都攰啦,搵左一間茶記坐低食個Tea,我哋同事都跟埋入去。坐低咗無耐,神奇嘅事情發生啦,同事竟然見到另一位「安哥」進入茶餐廳,無論髮型、面部特徵,甚至身型同衣著都一模一樣!呢位「安哥」入到嚟好主動咁坐喺安哥同一張枱,有傾有講,然後仲一齊食Tea!感到「Oh my goodness」嘅偵探同事即刻通知老闆打俾安哥,老闆馬上照做,而鈴聲響起接電話嘅,竟然係後尾先入嚟茶餐廳嘅「安哥」!

食完個Tea,「真・安哥」就同「假・安哥」道別,再接手公司車繼續「工作」。真相大白,安哥原來有個孖生細佬,朝早返工嗰個係佢細佬「假・安哥」,而後尾入嚟茶餐廳嘅先係「真・安哥」;由於返工好少同人溝通,再加上近日人人都戴口罩,更加難分辨到二人。「真・安哥」啱啱先開工,效率之快讓人嘖嘖稱奇,亦唔介意多接幾單。相信回廠之際,荷包也已然財源滾滾。

▪ 偵探手記 : 私家偵探會承接甚麼工作?

▪ 偵探手記:私家偵探是怎樣煉成的

得悉此事嘅老闆,都唔知好嬲定好笑。好笑嘅係每日喺工場見到嗰個,到底係邊個「安哥」呢?好嬲嘅係,呢兩兄弟除咗利用咗公司嘅資源去做私幫嘢之餘,仲有機會令公司負上法律責任;其實公司所買嘅保險只能保障「真・安哥」一人,所以如果「假・安哥」駕駛公司車時發生意外傷及途人,後果真係不堪切想。

後來,「真・安哥」當然係被公司炒咗,兩兄弟齊齊失業。呢個故事想話俾大家知,不論係員工定老闆,唔好以為偷呃拐騙、謀取私利嘅勾當唔會被人發現到。真相經過調查之後,終究係會水落石出的。

Related Posts

奪今年日本《新語、流行語大賞》年度大賞

由東京都知事小池百合子提出的「三密」,即呼...

大阪環球影城「超級任天堂世界」2月4日正式開幕

USJ 近日釋出「超級任天堂世界」的宣傳短...

岩岩去見工見教學助理

原來TA競爭激烈到咁 岩岩見份工係小組討論形式嘅...

見工嘅趣事 in某大公司嘅sales

唔知算唔算係見工嘅趣事 話說有一年暑期工去咗...

喜歡我們的文章嗎?按個讚吧!

關 閉 視 窗
搜尋